♡Pearly♡

Энэ зүйлийн тухай бичье гэж бодоол байсан юм. Юу вэ гэвэл...Би чинь монголдоо байхдаа нийтийн тээвэрийн байнгын үйлчлүүлэгч байсан ба энд ч мөн эндхийн нийтийн тээврийн байнгын үйлчлүүлэгч.Монголдоо байхад автобус унаа, микронд суухаас айж халширдаг байлаа.Мэдээж аль алина өвөл нь халаалтгүй хол гар автобусандаа тас хөлдчих шахаал шүд зуун явж, зун нь ямарч агааржуулагч ажилдаггүй бөгөөд есөн шидийн үнэр хөлс ханхалаад дотор муухайрч үнэхээр хэцүүхэн зорчино. За тэгээд оюутан байхад зургынхаа том планшетыг(цаасаар бүрж зураг зурдаг том хавтгай мод...) сургууль гэрийн хооронд байнга шахуу чирээстэй.Тиймээс микронд суух боломжгүй учир чихэж байгаал арай гэж том бусандаа суугаал олон хүнд урт замын туршид багагүй хараалгуулж, загинуулж, зэхэлзүүлнэдэээ...За тэгээд зарим үед хөөгдөж буух нь холгүй. Том жижиг аль алинд нь суусан хувцас пад хар, жижигт нь суувал хөлөндээр байнга өөр хүний хөл байрлаастай хэхэ, өөд өөдөөсөө муухай муухай хараастай...Бус маань хэзээ ирэх нь тодорхойгүй, үнэ мөнгө нь тогтворгүй, чиглэл болгон үнийн хувьд ялгаатай шахуу. Угаалга цэвэрлэгээний тал дээр ярихын ч хэрэггүй биздээ...Бөөн бөөн бухимдал хэрүүл хараал гээд тоочоод байвал барашгүй ээ. Харин одоо бага ч гэсэн дээшилж дэвшисэн боловуу?

Энд бол нийтийн тээвэрт нь том л автобуснууд явна. Жолооч нь цагаан юмуу цэнхэр цамц, хар өмд, цагаан бээлий өмссөн байдаг. Хоёр бус зөрөхдөө жолоочууд нь баруун гараа өргөж мэндэлж байга харагдана. Хүн бууж суухад тавтай морил, сайн яваарай гэж хэлэх жолооч цөөнгүй таарна. Энэ мэдээж үйлчилгээний соёл бөгөөд бууж сууж байга хүмүүст болон надад сайхан л санагддаг юм. Бус болгон зорчигчтой зорчигчгүй байсан ч тодорхой цагын хувиарын дагуу ирж явна. Хүн төвлөрсөн газарын буудал болгон цагын хувиарын самбартай. Жишээ нь тэдэн номерын бус ирж байна, тэдэн минутын дараа ирнэ гэх мэтчилэн нарийн яс гарна. Суух бус нь хаана явааг тэр самбараасаа хайгаад харчина.

Үнийн хувьд том хүн 1000 вон,бусны карт уншуулвал 950 вон төлнө. Бусанд суух хүмүүс зөвхөн урд хаалгаар зорчиж,буухдаа товчилуураа даран хойд хаалгаар бууна. Бууж суух хүн байхгүй тохиолдолд буудал болгон дээр зогсоод байлгүй шууд явна. Бусны карт их таалагддаг юм монголд энэ үйлдэл нэвтэрвэл их дажгүй. Автобусанд суухдаа мөнгөө жолоочын хажуудах хайрцаганд шургуулчина,картаа бол хажууд нь байрлах жижиг самбарт уншуулаал буухдаа мөн л буух хаалганы дээр байрлах жижиг самбарт уншуулаад бууна. Уншуулж буусан тохиолдолд эргээд 1цагын дотор хэдэн ч автобусанд үнэгүй зорчих боломжтой. Картаа мөнгөөр цэнэглэдэг машин болон,цэгүүд тодорхой газаруудад байралсан байдаг ба мөн тэр картаараа метронд зорчиж болдог.

За тэгээд өвөл нь дулаахан, зун нь агааржуулагч байнга ажилаастай сэрүүхэн зорчих ба цонх нь онгорхой явж буй бус огт байхгүй гэж хэлхэд болно. Нэг эцэсээс нөгөө эцэст очоод заавал чийгтэй цэвэрлэгээ хийдэг юм билээ.Автобус болгон хогын савтай,тэнд хүмүүс хогоо хаяна. Ил хог харагдвал хэн нэг нь аваад хийж байгаа харагдна. Нийтийн тээвэр гэлтгүй бүхийл үйлчилгээний төвүүд нь хүнд суртал гэж үгүй, үйлчлүүлэгчиддээ найрсаг сайхан үйлчилнэ.Жишээ нь нэгэн зорчигч бусанд барьж явсан баахан ном дэвтэрээ унагаачихсан...Тэгэхэд жолооч түр зогсож,зорчигчийг юмаа эмхэлж түүж авсаны дараа хөдөлгөөнөө үргэлжилүүлнэ.Үүний хархад сайхан л байсан.Ингээд л мөн бичээд байвал сайн сайхан зүйл олон л байна.

Энэ бүгд гайхаад байх сонин зүйл биш ч гэлээ ийм энгийн зүйлүүд эх оронд маань нэг нэгээр биелэгдээд эхэлвэл нэгч гэсэн зүйлд бухимдахгүй амьдарцгаах болно.Эх орноо муулж, хүний нутгыг магтах гэсэн санаа агуулсангүй ээ. Энэ салбарын бодит байдал л ийм.